آرآء في مـڛڷڛڷ آۈرآق آڷحب . . ♥

مسلسل اوراق الحب


دخلت على منتدى وشفت واحد معلق على مسلسل اوراق الحب
بصراحة وايد عيبني راااااااااية عشان جذي نزلت حقكم



مسلسل اوراق الحـب

يقولون انه مسلسل إماراتي !!
ليش؟؟
الكاتب .. مب إماراتي زلمه اردني
المخرج .. مب إماراتي زلمه اردني
3/4 الممثلين .. مب إماراتيين
زلمات على مغاربه
حتى اللي غنى أغنية المقدمه .. مب إماراتي زلمه
عشان بس جهة الإنتاج
إماراتيه قلنا مسلسل إماراتي !!!

نبدا بالممثلين، وبروميو وجولييت
الأخت ميساء مغربي شو هي مؤهلاتها اللي
اللي خلتهم يختارونها لدور مهرة !!
شفايفها المنفوخه؟!!
دلــعها الزايد والماصخ؟
شو بالضبط !!
مب رايمه تركب جمله وحده صح
الحروف تطلع غلط في غلط
أي لهجه هاي اللي مدربينهم عليها شي ايفشل ويضحك امايه غاوي هيه !!
والأخ الكويتي مادري شو اسمه
ما لقوا ممثل إماراتي يسوي دوره
يبا يطلع عمره اماراتي بالغصب
مب عارف يرمس
اوقات اتخربط وأحسه عماني !!
كل اللي مركزين عليه
غاوي + عسب + ما يستوي + هيه
+ خالتيه
جنه قالولهم قولوا هالكلمات
وبتكونون إماراتيين !
نسير للواقع ~
المسلسل يناقش مسائل اجتماعيه ؟؟؟
يناقش مشكلات المجتمع الإماراتي؟؟

كل اللي
يطلعه المسلسل .

الإماراتيين كلهم عايشين بقصور!
الإماراتيين كلهم أهاليهم عندهم شركات
ومحد منهم يشتغل بالحكومة!
الإماراتيين كلهم حياتهم لعب وسفر!
الإماراتيات يوم يسيرن لندن ينسن
شي اسمه عباه وشيله
ومره نلبس شيله
ومره نلبس كـاب !!

غير قصه حب لندن بتحطم مسلسل نـور
والإماراتي اللي يسير لندن
يشرب خمر
وينصب على الناس ويشتغل حـرامي !!
وفـ الإمارات نحن عادي ..
البنات يسولفن ويا الشباب عادي
ياخذون أرقام بعض عادي
نقعد ويا بعض في المطاعم والمقاهي عادي !!
نتعرف على بعض بسرعه عادي !!
الجامعه حق المغازل عادي!
فـ فالجامعه وحده تركض ورا واحد
احبك راااشود لاترمس غيري وتضارب ويا البنات عشانه عادي!
يا اياد الخزوز سوو هالمسلسلات ف بلادك مب اهني
ارحمونا والله تعبنا من هالمسلسلات التافهه !

بس تبووون الصراااااحه هذا راااي ناس وانا مب زعلان على المسلسل لانهم ماتكلمو
عن الشعب الاماراتي كله طبعاً الإنسان الواعي يعرف ويفهم انهم يخصوون فئة من المجتمع
... ولاتنسون هذا مسلسل يعني تمثيل فقط لاغير مب قصه حقيقية